Afrika kuadhimisha miaka 50 ya Umoja, mfalme Haile Selassie wa Ethiopia na Dk Kwame Nkurumah wa Ghana watakumbukwa daima

Umoja  wa  Afrika  unafikisha  miaka  50  tangu  viongozi  wa  Afrika walipokusanyika  na  kuunda  umoja  wa  nchi  zao.  Viongozi  wa mataifa  hayo  watakutana mwishoni  mwa  juma  hili  kusherehekea mafanikio  ya  hapa  na  pale  na  kukiwa  bado  na  juhudi  za kuliunganisha  bara  hilo. Umoja  wa  Afrika  wenye  wanachama   54 hivi  sasa  ni  mrithi  wa  uliokuwa  Umoja  wa  Nchi  Huru  za  Afrika , OAU, ulioanzishwa  mwaka 1963 wakati  ambapo  mataifa  ya  Afrika yalikuwa  yakipata  uhuru  kutoka  kwa  wakoloni.

Marais waasisi wa OAU katika picha ya pamoja

 Nusu  karne  hivi sasa  baadhi  ya  wadadisi  wanaangalia  hali  ya  kundi  hilo  la mataifa, kutoka  miaka  ya  OAU wakati  ambapo  viongozi  walikuwa wanajizuwia  kuingilia  masuala  ya  mataifa  jirani  na  kuwa kama mkusanyiko  wa klabu ya wastaarabu tu, hadi sasa ambapo Umoja wa Afrika una misimamo mikali dhidi ya mataifa yanayokiuka misingi ya Umoja huo.