Leo ni siku ya Malaria duniani

Dunia leo inaadhimisha siku ya ugonjwa wa Malaria, ambapo kaulimbiu yake kwa mwaka huu inasema 'Kuwekeza katika siku za usoni, kuangamiza Malaria'. Kulingana na takwimu za Shirika la Afya Duniani, WHO, ugonjwa wa Malaria husababisha vifo vya kiasi watu 660,000 duniani kote na vingi ya vifo hivyo ni vya watoto wenye umri wa chini ya miaka mitano katika eneo la Afrika, kusini mwa jangwa la Sahara. Malengo ya kaulimbiu ya mwaka huu ni kuendelea kuwekeza na kuweka ahadi za kisiasa katika kuzuia maambukizi na kudhibiti Malaria.